 |
|  |
|
|
|
|
常在心留言回覆 (6/1/2007) 共6篇
|
5/31/2007 10:26:26 PM
siufa 說:
to常在心
你其實好幸福嫁''有得得地依一個咁好既朋友*仲有愛你錫你既人Alfred''
佢講過''愛一個人就會想用一生既時間去對佢好''無論付出左幾多都好似唔夠咁''真係好感動…因為佢真係好愛你好錫你''
我知道你一定好後悔冇一早就同Alfred講出心底既說話原諒佢''但你唔好內昝同自責啦…雖然alfred死左…但佢會守護住你嫁ma''而家真係好開心見你已經重新振作返''你要加油丫''幫得得地打贏依場官司佢=]to鐘嘉欣
我覺得你做得好好ah''你做戲好叻''同埋你好靚女ah*
加油ah=]
回覆：
我都知道自己好幸福，有時我甚至懷疑，自己究竟配唔配得上有呢種幸福？
5/31/2007 7:58:53 PM
常在心背後的FANS 說:
常在心:
其實點解你唔選得得地！
你同佢開心過Alfred
回覆：
我與得得地相處嗰時的確好開心好冇壓力，不過我同Alfred真係好深刻，我都唔知應該點做…
5/30/2007 8:55:48 PM
瑜 說:
以前啊亮未死果時日日爲你寫日記
依家啊亮去咗啦，就到你日日爲距寫日記
兩者之間吾同嘅係距爲你寫嘅日記你睇到
而你爲啊亮寫嘅日記距睇吾到
好可惜啊````````BUT
我好想你可以爲啊亮一直寫日記啊
可吾可以啊？
因爲我相信啊亮係天堂係睇到你爲距寫日記噶``````` 因爲啊亮已經做咗你專用嘅守護天使
一直默默咁守護住你渡過每一天```
距時時刻刻都關注你，關心你，鼓勵你
你一定吾可以令距失望噶````
你一定要努力咁打好每一單官司``````
仲有就係，啊亮係天堂已經知到你原諒咗距噶，你吾好再內疚啦````啊亮走得好安心啊，你放心啦`````
回覆：
你講得啱，我為左Alfred，我一定會俾心機打單官司嘅！
5/30/2007 4:51:12 PM
shrimp_rabbit 說:
常在心,
你要學識拎得起放得低呀!
有程亮同得得地咁支持你, 你要加油!
睇到你見到彩虹雨真係好感動!希望1/6到時會見到你啦!!
回覆：
見到彩雨我也覺得很感動！
5/30/2007 1:58:26 PM
Moon Moon 說:
給常在心..
人生中有一個咁愛你既人真係好幸福..雖然短暫..但所有你們的回憶都沒有人能夠把它帶走的..程亮仍然會好像守護天使咁保護你的...堅強地活下去給鍾嘉欣..
你嚮呢套劇裡面既演技進步左好多呀..繼續加油呀..
回覆：
多謝你嘅支持，希望呢套劇會常在你心中。
5/29/2007 11:49:54 PM
sarah 說:
常在心要做“常開心”，Alfred會睇住架！仲有呀，你仲有場世紀大案未開始架？加油呀，Alfred會永遠在你身邊陪你打每一場官司，同你研究每一件case架，加油呀常在心！^_^
回覆：
哈，常開心，我幾鍾意呢個名！
|
|
常在心留言回覆 (5/25/2007) 共5篇
|
5/25/2007 12:00:48 AM
chungyeewah 說:
恭喜妳終止做咗律師囉，有志者事竟成呀，莉姨單官司係有啲麻煩，不過細契作孽太多，不得人心，連個仔都唔幫怇，注定失敗啦。呢次係妳上位既好機會。
Alfred咁遠番嚟幫妳，除咗欠咗你哋之外，仲有個好重要既原因，就係佢想趁呢個機會打贏大腳八，一償報仇既心願，皆大歡喜呀。
回覆：
我都希望承你貴言，幫莉姨打贏呢單官司！
5/24/2007 5:27:58 PM
bb 說:
我同你經歷一樣
有時我會後悔如果當初扮唔知會唔會好d
但睇完你既事之後
我覺得我決定好對
根本咁既男朋友同"好"朋友
唔要都罷
如果佢地真係珍惜你
一早會承認錯誤同收手
然後腳踏實地重新黎過
又唔係冇俾機會佢地
但佢地仍然係咁
e家個世界有d人就係自私到咁
咁cheap ga la
以前既社會d人邊會咁丫
回覆：
bb，過左去嘅嘢就由得佢過去啦，希望你都好似我咁，重新振作！
5/24/2007 3:19:06 AM
心在情在 說:
常在心... 你一定好難過...
你的決斷對大家都好...想送你一段話: 係quoted from---人生 <<仇人與恩人>>"遇到曾經愛過的人 記得微笑向他感激
因為他是讓你更懂愛的人
遇到曾經恨過的人時 要微笑向他打招呼
因為他讓你更加堅強
遇到曾經背叛你的人時 你應該心存感激
因為若不是他 今天你不會懂這世界
遇到曾經偷偷喜歡的人時 要祝他幸福唷
因為你喜歡他時 不是希望他幸福快樂嗎"
回覆：
多謝你呢幾句說話呀，我會成日用嚟提醒自己。
5/23/2007 10:05:31 PM
彤彤 說:
嘉欣~嘉欣！你要加油呀！
／＼／＼
＼ ／我都好想要你個簽名呀！
回覆：
多謝你，我提議你參加我地嘅giv投票，有機會攞到“溏心夜宴”嘅飛架，到時我就可以同你簽名啦！
/23/2007 7:12:27 PM
小丸子 說:
呀心...我同你一樣都好鐘意叮噹..一直都好鐘意幻想如果有佢o係身邊就好喇.. 真係好傻呀..不過有時發下le d白日夢都幾開心架.. 我好鐘意你戈句"愛情並唔係報恩"
因為的確吾係.. 我好明白你GE心情..
就好似當你見到得得地拍拖會嫉妒一樣..如果我係你.我都會..因為當佢拍拖時..佢就要全心全意咁對佢女朋友..就算以前幾fd都好..都會轉淡..不過我相信..你都會衷心祝福得得地幸福..對吧??希望你會幸福...
嘉欣..我覺得你好靚女呀~ !! 你係愈睇愈靚戈隻女仔.. 加油呀!!
回覆：
好開心有人同我一樣鍾意叮噹，你講得啱，雖然想要叮噹嘅法寶幫手，係一種逃避，不過只要自己開心，發吓白日夢又有咩所謂？
|
|
常在心留言回覆 (5/21/2007) 共5篇
|
5/20/2007 11:17:01 AM
chungyeewah 說:
妳?不再掛念Alfred，每天想他的次數要 減一次，今天妳最多只能想他八次。妳的進度及格嗎？如果少於八次，妳將不會流淚，只會歡笑。
今天是星期日，好好休息一天，親自買菜做一頓豐富的晚餐來多謝得得地吧，這是一個很好的間始。
回覆：
原來要忘記Alfred真係好難，我越唔想記起佢，就越掛住佢…
我係咪好冇用？
5/19/2007 11:06:12 PM
I_lub_you 說:
常在心,
你千奇要原諒佢呀，其實有時花心係一種正常ge心理，但佢最後都簡你啦，證明佢係愛你架!!!鍾嘉欣,
我係你 Fans 呀......記住複我!!! ><
回覆：
I_lub_you，唔知你係咪男仔嚟？所以覺得花心係正常嘅心理？
無論如何，多謝你嘅支持。
5/19/2007 11:40:31 AM
水之蜜? 說:
常在心,加油啊!虽然知道他给你的伤痛有几甘重,但我依然好希望见到傻佬同傻婆好返,如果真系放晤低的,不如尝试给多次机会他,他真系知错了!我都晤想见到你甘辛苦的,日日都喊!好可怜...
回覆：
其實我都好想相信Alfred真係知錯，但係我又好怕係我自己呃自己，我真係好迷惘呀…
5/19/2007 1:06:09 AM
冬兒 說:
常在心, 我覺得你真係好勇敢. 你可以同佢講分手. 而我就prefer做個傻婆去扮唔知. 因為我知道, 只要我一問佢, 如果佢認. 我完全想像唔到個後果. 你真係勇敢. 我諗... 如果我都有得得地呢d咁supportive既朋友, 我估... 我真係要問清楚佢係咪真係有第二個.
回覆：
冬兒，唔通你同我有相通嘅經歷？如果係嘅話，希望你可以好好咁處理，分手係好痛苦，但係逃避嘅話，將來可能會仲痛苦架！
5/18/2007 11:53:52 PM
小明 說:
常在心....我都試過同女朋友既好朋友有野...搞到佢地冇朋友做....我係咪好衰呀...
回覆：
唔知你而家仲有冇同嗰個女朋友一齊，無論如何，希望你唔好再試喇，咁樣對個女仔傷害真係好大架…
|
|
常在心留言回覆 (5/16/2007) 共3篇
|
5/16/2007 1:58:43 PM
Jessica 說:
嘉欣~嘉欣~Linda~Linda
你既演技越來越好 越來越有進步
不論你在係常在心or 鍾嘉欣
我都永遠支持你 永遠支持常在心
雖然我係澳門 但我都永遠支持你
永遠支持<溏心風暴>永遠愛妳、支持你 ,
Fans - Jessica (Macau)
回覆：多謝你嘅支持，得閒嚟香港支持我啦。
5/15/2007 8:35:22 PM
二打六 說:
心姐...你還是放棄你手上的桔(程亮)吧！！
你身邊還有個好的橙(得得地)呢！！！
回覆：
我都知得得地對我好好，但我鍾意嘅係Alfred，愛情並唔係報恩。
5/14/2007 6:28:02 PM
真正路人甲 說:
常在心:
你快d做返開開心心的靚花菇,
唔好再做成日唔開心的長腳蟹啦!
回覆：
你係咪都覺得我未拍拖嗰時開心過而家好多？其實有時連我都覺得自己好煩，可能係因為咁，Alfred先會講大話呃我…
|
|
|
|
|
|
|
|
|
|
690
在心blog：常在心間
各位，今日小店開張，先唻介紹一吓我自己，我叫做常在心，而家讀緊法律，大家得閒可以click入唻睇吓，不過因為啱啱開blog，所以暫時post唔倒好多野上來。
有一次響遊艇上面，我同Alfred一齊望住夜空，Alfred突然間唱起一首歌，歌名就叫做VINCENT，VINCENT就係畫家梵高，呢首歌講嘅就係梵高嘅一生，原來Alfred好鍾意呢首歌。後唻我為咗令佢開心，就去學用SAXOPHONE吹呢首歌出來。為咗學吹SAXOPHONE我竟然用咗七千五蚊去買咗支SAXOPHONE，後又去揾咗個名師，就係我個好朋友得得地教我，點知個得得地竟然吹唻吹去都係果首祝福，我問佢點解會學呢首歌，佢話係因為佢弟弟至逸結婚果晚，佢去學呢首歌希望祝福佢地兩個。
果次得得地吹唻吹去都係呢首祝福，又話自己係SAX安，真係俾佢激死。但係無幾耐之後，佢真係响我面前吹咗首VINCENT出來，佢仲話因為要教我，所以去揾個老師學咗三堂。
我覺得能夠有得得地呢個朋友，係上天俾我最大嘅祝福，佢一次又一次咁幫我，係我最困難嘅時候借錢俾我，有時真係奇怪，世間竟然有咁好嘅人，佢每一次都係為佢身邊嘅人送上祝福。
聽講唐家最近好多麻煩，佢大媽入咗醫院，而且個病仲係好嚴重，我真係唔知可以點樣幫倒佢，我只有係呢度送上祝福，希望佢一家人可以過倒呢一個難關。
其實近唻我都唔好得幾多，我亞哥返咗唻，帶咗俾我好多麻煩，仲有就係我覺得同ALFRED之間，越唻越多問題，呢d 希望可以解決，但係我真係唔知道。
五月十四日：程亮姓賴既？
仍然好担心得得地大媽個病，我俾咗個電話得得地，佢好興奮咁同我講佢大媽今日會番唻屋企，仲話會食一餐好豐富嘅晚飯。
雖然得得地開心咗，但係同程亮仍然係咁樣，上次為咗亞爸嘅事同佢嘈咗一輪之後，雖然後唻我上過佢屋企，向佢道咗歉，大家好似冇野，但係我總係覺得程亮同以前有啲唔同咗，特別係响台灣返唻之後。
之後我睇住佢响法庭打輸咗果單官司，响法庭外面，佢一句說話都冇同我講就走咗。原來佢嬲我去聽審，無錯，佢同我講過話唔想親戚朋友去聽審，因為會有好大壓力，但係我真係好想知道結果，佢使唔使發咁大嘅脾氣呀？
其實佢表現得好好，佢無須要自責，不過，佢都唔係自責，佢係怪我。
程亮你係咪姓賴既？
我覺得同程亮一齊情緒波動真係好大，其實都有啲委屈，但係每次見倒得得地，佢都只係會為我帶唻歡樂，真係不愧為唐家康樂組組長，我開始懷疑佢有特異功能。
五月十五日：我係程太？
我同程亮竟然一齊去睇傢俬，記憶所及，係第二次同佢唻睇傢俬。
係傢俬舖度，佢居然又叫我做程太，跟住傢俬舖嘅人都叫我做程太，之後响佢新裝修個屋企，竟然連啲裝修師父都係咁叫我。
我幾時做咗程太架？而我對呢個稱呼竟然冇抗拒，而且好受落添。
有時間真係要研究一下，一個女仔由小姐到俾人稱呼為「程太」到底有咩心理變化。
新居入伙，請咗大班朋友唻，當然唔少得嘅係水擘擘、草餅佢地啦，亞欣同得得地都無唻到，聽講佢地媽咪情況都唔係好樂觀。
水擘擘送咗個好新嘅家居電話俾我地，可以係上面留言，我終於留低咗以下呢段話：我係程太呀，我個衰佬而家唔喺度，唔知係咪出咗去偷食呢？
我真係估唔到自己會講啲咁嘅野，我唔係咁隨便嘅人唻架！
常在心，你可能真係有病。
祝福得得地佢地一家人……唔知講咩…祝福。
五月十六日：佢講大話
以前我成日聽水擘擘講，男人同女人其實係兩種生物嚟，到今日我終於明白呢句說話…
頭先我攞水蟹粥上去Alfred度，諗住氹返佢開心，諗住攬住佢，同佢講，我同得得地真係冇嘢架，我鍾意嘅只係佢一個，我諗佢一定會笑住咁話，你做咩又好似長腳蟹咁箝住我？或者佢又會話我雖然蠢蠢地，但好似樹熊咁cute…
但原來我咩都冇得講，因為佢根本唔喺屋企…
我真係唔明，點解佢前一秒仲同我講，佢喺屋企準備瞓覺？點解佢可以若無其事咁講大話？究竟點解佢要呃我？如果佢唔想見到我，點解唔開心見誠同我講？定係佢有其他原因？我唔敢諗，我真係唔敢諗…
五月十七日：我真係蠢
程亮，本來我應該喺留言版度覆你，但係我仲未知道可以點面對你。
老實話俾你聽，睇左你留嘅言，我真係好感動。我諗返起好多嘢，諗返起第一次同你講嘢，係你上堂跌左支筆，我幫你執返，你講左句唔該；諗返起讀大學嗰時，我成日去圖書館扮溫書偷望你；我甚至為左見你一面，冒住雨喺學校門口等左你一個下晝…
嗰時我只要記到你一面已經連續開心幾日，我冇諗過同你一齊，會搞到咁唔開心…
或者真係愛得越深，傷得越深。
以前你成日話我蠢，我每次聽到都好嬲，覺得你唔了解我，完全唔冇考慮我嘅感受。而家我終於發現你冇講錯，原來我真係比你蠢太多，我唔識講大話，更加唔識分你邊句係真，邊句係假。
我好想原諒你，但係我好怕再蠢多次…
五月十八日：忘了他吧！
得得地知道我而家喺公司對住Alfred好辛苦，主動借左十萬蚊俾我，等我可以即刻辭職搵新工，仲叫我簽左張欠單，要我應承佢幾件事，我將佢記低喺呢度提醒自己：
一. 不得再對住個電腦眼光光，流眼淚。
二. 勤奮讀書，務必要在兩年之內，完成法律學士課程，並必需以一級榮譽畢業…
三. 記得定時送峰伯覆診，幫小Q換貓沙，老人與貓務必要照顧妥當…
其實我仲想加多幾條條款：
四. 不准再掛念Alfred，由每天想他十次，減至每天想九次、再減至八次，直至不再想起為止。
五. 明天開始努力找工作，然後在新工發薪的那一天，親自買菜做一頓豐富的來多謝得得地。
六. 每天都要笑，不讓關心自己的人擔心。
雖然最後幾條係我自己立嘅，但我知道得得地都一定會支持嘅。
五月二十一日：我地又復合
人生實在有太多意外。
前幾日我去探Alfred媽媽，佢話好感激我成日買嘢俾佢食，話下個禮拜搵一日佢早啲收檔，整餐好餸俾我食多謝我，估唔到我以後都冇機會再見到佢…
一直以嚟，Alfred喺我心目中都係好堅強嘅，就算佢輸左俾大腳八，佢都好快會企返起身，準備下一次再同佢鬥過！但係今晚見到佢坐喺條樓梯度，眼都紅晒，喊住咁同我講點解佢阿爸要走，點解佢阿媽要走，點解個個佢深愛嘅人都要走，嗰一刻我覺得佢好似個細路仔咁，好脆弱好無助，見到佢咁，我個心真係好痛好痛…
其實我冇諗過會再同Alfred喺埋一齊，甚至到而家都唔知道呢個決定係啱定錯，不過Alfred媽媽嘅事令我明白到，人人都會犯錯，只要佢係真心悔改嘅，就應該有機會去證明自己已經改過。Alfred好後悔冇俾到機會佢媽媽，我唔想自己將來都後悔一世…
五月二十二日：忘了他吧！
叮噹係我最鍾意嘅卡通人物，細個嗰時好都渴望可以擁有佢嘅法寶，成日都諗，如果我有隨意門，朝早返學就可以晏啲先起身啦；如果我有竹蜻蜓，每次阿哥惹事生非，我就可以帶阿爸飛走，咩都唔駛理；甚至到左大學讀law，對住讀極都讀唔完嘅法例同埋terms，我都好想有一包記憶麵包，等我將啲notes寫上去，再全部吞晒落肚，咁就唔駛驚唔記得啦！
但係而家我一啲都唔想要記憶麵包，我淨係想要一部記憶清洗機，將所有唔開心嘅事都忘記晒佢，嗰晚喺Alfred屋企門口聽到嘅“卡”一聲，今晚Alfred一見到我就閂左個email嘅畫面，仲有佢講過嘅所有大話都全部洗晒佢…
可惜我擁有嘅只係佢送俾我嘅一隻叮噹公仔，我亦都唔係大雄…
遺忘比憶記更難。
五月二十三日：水擘擘係第三者
今日我終於知道點解Alfred點都唔肯講第三者係邊個。
自從喺水擘擘屋企睇到Alfred send俾佢嘅e-card，我咩都諗唔到，腦入面淨係不停咁播容祖兒首《出賣》。
我一向都好眼淺，少少嘢都忍唔住流眼淚，但係頭先喺西環碼頭，我真係喊唔出，個腦猛咁播住呢首歌，repeat又repeat…到我喺屋企樓下見到Alfred打得得地，怪佢搞到我地分手，我真係好失望！點解佢可以惡人先告狀？佢已經攞走左我一個好朋友，仲要趕走埋我第二個好朋友？！
佢同我根本係兩個世界嘅人，我唔可以一錯再錯。
五月二十四日：我既第一單官司
之前我好想快啲有得打第一單官司，但係而家又好冇信心，我冇諗過我第二單case嘅client，會係得得地嘅莉姨…
不過常在心，你一定要俾心機呀，你唔記得左你同得得地立嗰張欠單嗱？「甲方常在心感激乙方得得地，乙方將來如有任何困難，甲方必定赴湯蹈火，無條件幫忙，此承諾為一生一世，直至任何一方死亡為止…」咁耐以嚟，得得地幫左你咁多，今次你一定要幫返佢呀！如果唔係小Q都唔會放過你！
除左得得地，我都唔可以令Alfred失望，佢連咁重要嘅conference都唔開，特登由美國飛返嚟幫我。其實呢兩年見到佢事業發展得咁順利，咁有自信，我以為佢已經完全忘記左以前嘅事架喇，但原來唔係，佢今晚竟然話佢喺心入面都立左一張欠單，話因為曾經傷害過我好慚愧，如果我有困難，一定會盡力幫我…
唔知點解，我竟然有啲開心。
五月二十五日：Alfred響邊？
今日約左Law and Kwan啲舊同事出嚟食飯，計落都有成年冇見過佢地喇，Cindy佢地猛咁恭喜我打贏第一單官司，又要我請食飯，我梗係冇托手踭啦，見返佢地真係好開心！
今次食飯有一個同事係我唔識嘅，佢叫做Tiffany，Cindy話我走左之後，就係佢接左我個位。Tiffany佢幾靚，又鍾意笑，不過唔知點解佢望住我嘅表情好奇怪，而且每次佢聽到Alfred個名，都好似好唔開心咁，唔知佢地之間發生左咩事？定係我嘅錯覺？
食完飯之後，因為Tiffany住喺上環，我地一齊搭車。佢笑住咁話其實想見左我好耐，佢話佢曾經同Alfred表白過，但Alfred話自己心裏面淨係得一個人，有一次佢上Alfred屋企攞啲文件，見到佢書枱上面仲放住我幅相…
我又行嗰條長樓梯返西環村，記返起我同Alfred啱啱拍拖嘅時候，佢明明第二朝一早有meeting，但係都要孭我上去…
今晚同嗰晚一樣咁大雨，Alfred，你快啲返嚟啦。
五月二十八日：原諒佢地啦！
Starry starry night, paint your palette blue and gray…
我一路聽住呢首歌，一路等Alfred覆我。今晚嘅星星好似特別多咁，唔知係咪因為我終於同左Alfred講我原諒佢？
我一直以為我呢一世都唔會原諒水擘擘，但係今次再撞返佢，我先知原來我一早已經唔嬲佢喇，佢都係因為受過太多愛情嘅創傷，嗰時先至控制唔到自己，我甚至想像到嗰時佢會有幾痛苦…
時間係最好嘅療傷妙藥，但係當時間過去，我地都仲係放唔低一個人，就唔應該再執著於過去，唔應該再浪費時間…
我好想同Alfred一齊彌補返呢兩年嘅空白，好想同佢再打沙灘排球；好想一齊再通宵喺尖沙咀度遊蕩；好想同佢潛水，逼佢刻多個貝殼俾我…
仲有，好想好想聽佢喺我耳邊唱Starry starry night…
五月二十九日：Alfred死左……
Alfred，你係咪帶走晒啲星星？點解自從你出事嗰晚之後，我見到嘅夜空都係漆黑一片？我晚晚望住個天，覺得自己同佢一樣，除左黑暗之外，咩都冇晒…我永遠都再聽唔到你叫我做傻婆，聽唔到你笑我係長腳蟹，聽唔到你鬧我蠢，聽唔到你唱Starry starry night…
本來我一直都係咁諗架，好彩得得地鬧醒左我！如果唔係佢，我唔會企到喺法庭度，幫嗰個無辜嘅後生仔洗脫到嫌疑，更加唔會知道原來你一直都冇離開過。
係真架，我真係感覺到你喺我身邊支持緊我，當我盤問緊證人嘅時候，我聽到你話傻婆，雖然你係傻啲，但係我知你一定會發覺到啲證供嘅破綻嘅！到我結案陳詞嘅時候，你又叫我俾心機，贏左官司你就同我去食水蟹粥！所以呢場官司係你同我一齊打贏架！
Alfred，你放心啦，你送俾我嘅星星永遠都會喺我心入面。
五月三十日：我要打贏官司
呢排得得地屋企發生左好多事，大鮑過左身，佢細契唔俾佢地去靈堂拜祭，又要同佢地打官司爭遺產，雖然我去到西環碼頭搵得得地嘅時候，佢又講晒笑扮冇嘢，但我知道佢係唔想我擔心，佢越表現得浮誇，即係代表佢越唔開心…
一直以嚟，每一次我唔開心，得得地都會喺我身邊幫我、安慰我，佢同大鮑咁好感情，我唔識得點樣安慰佢，我唯一可以幫到佢嘅，就係同佢研究單遺產官司應該點打，我知道得得地並唔係唔捨得啲錢，佢只係想遵從佢大契同大鮑嘅遺願，好好咁守住唐家！
由聽日開始，我唔再接其他case，我一定要盡全力幫得得地！
五月三十一日：我好似鍾意得得地
原來我並唔係自己諗得咁好。
我以前成日口口聲聲同Alfred講，我同得得地冇嘢架，我地係好朋友嚟，但原來我一直都係自己呃自己…
我諗返起嗰時我同Alfred分左手，知道得得地同Cherry相睇，我竟然好失落好妒忌，不過後嚟我同Alfred一齊返，先冇再深究對得得地嘅感覺，又或者其實我潛意識根本唔想去知道，於是就同自己講，我係因為驚冇左個好朋友先會咁。
但係我而家再呃唔到自己，我真係好唔捨得得得地走…
不過，我仲好掛住Alfred。
究竟我應該點做？
六月一日：小玩意
得得地，我諗你而家一定喺度聽緊我送俾你嗰盒錄音帶，你係咪覺得好奇怪呢？呢盒錄音帶明明係我地識左冇耐嘅時候，你送俾我嘅，入面有《漣漪》、《難忘你》、《戀愛預告》、《有了你》、《細水長流》呢啲舊歌，點解而家我會送返俾你？
哈哈，唔知你發覺左未呢？我喺盒錄音帶嘅最後面，錄多左一首《小玩意》。
得得地，我諗你送呢盒錄音帶俾我嘅時候，冇諗過我地嘅戀愛預告會咁長，係咪？好多謝你咁多年嚟，一直喺我身邊支持我，鼓勵我，係你教識左我，乜嘢叫做細水長流。
之後嘅日子，我會喺你身邊支持返你，戴住你送俾我嘅小玩意。
